Юлдаш телеканалында алып барыусыларға кастинг башлана

Республиканың төп телеканалында алып барыусыларға кастинг башлана. Унда 22 йәштән 50 йәшкә тиклем һәр кем ҡатнаша ала, тип хәбәр итәләр каналдың матбуғат хеҙмәтенән.

Кастингта ҡатнашыу өсөн 2023 йылдың 4 авгусына ҡәҙәр bash.news сайтындағы анкетаны тултырып ебәрергә кәрәк. Һайлап алыу турын үткәндән һуң, Башҡортостандың төп телеканалына кастингҡа саҡыралар. Рус йәки башҡорт телдәрендәге анкеталар ҡарала.

Кастингта ҡатнашыусыларҙың сығышын баһалауҙың төп критерийҙары – алып барыусы сифатында эшләү оҫталығы, телмәр мәҙәниәте, тышҡы ҡиәфәт, таныш булмаған текст менән эшләй белеү. Ҡатнашыусы анкетаһын һылтанма буйынса тултырырға мөмкин.

Сығанаҡ: "Башинформ".