Журфесты уҙғарыу көнө һәм урыны билдәле булды

18 августа Әбйәлил районының  Яҡтыкүл («Юбилей» шифаханаһы) буйында республика журналистарының йәйге осрашыуы ойошторола. Был хаҡта Башҡортостан Матбуғат һәм киң мәғлүмәт саралары агентлығы етәксеһе Максим Ульчев хәбәр итә.

«Журфест» йәнә республикабыҙҙың төрлө мөйөштәренән киң мәғлүмәт саралары етәкселәрен һәм хеҙмәткәрҙәрен йыя. «Журфест» – әүҙем ял һәм коллегалар менән аралашыу ғына түгел, шулай уҡ яңы мәғлүмәттәр алыу, һөнәрҙең ҡыҙыҡлы һәм мөһим серҙәренә төшөнөү мөмкинлеге лә. Ҡатнашыусыларҙы оҫталыҡ дәрестәре, матбуғат клубы эше, спорт ярыштары һәм башҡа саралар көтә.

Проекттың Башҡортостан Республикаһы Башлығы гранты еңеүсеһе булыуын билдәләп үтәбеҙ.

Сығанаҡ: «Башинформ».