Көндәр эҫе тороуға бәйле ҙур йөк транспорты хәрәкәте ваҡытлыса сикләнә

Алдағы көндәрҙә һауа температураһының көндөҙ +32 градустан юғарыраҡ булыуы көтөлә, шул сәбәпле ҙур йөк машиналары өсөн юлдарҙа хәрәкәт ваҡытлыса сикләнә. Был турала Башҡортостандың баш дәүләт автоинспекторы Владимир Севастьянов үҙенең телеграм-каналында хәбәр итә. Владимир Севастьянов хәрәкәт сикләнеүе республика Хөкүмәтенең 2023 йылдың 30 мартындағы 146-сы ҡарарына ярашлы индерелеүен билдәләй.

Сикләү көндөҙ, урындағы ваҡыт менән иртәнге сәғәт 10-дан киске 10-ға тиклем ғәмәлдә була. 

Фото: Александр Клебановтың телеграм-каналы.

Сығанаҡ: "Башинформ".