Белорус тауарҙары магазины асылды

Рәсәй һәм Беларусь төбәктәренең X юбилей форумы сиктәрендә Өфөлә Беларусь Республикаһында етештерелгән тауарҙар менән сауҙа итеүсе магазин асылды, тип хәбәр итә Башҡортостан Хөкүмәтенең матбуғат хеҙмәте. Магазинды тантаналы асыуҙа Башҡортостан Хөкүмәтенең Премьер-министры Андрей Назаров ҡатнашты.

59 кв.метр майҙанлы магазин-павильон Өфөнөң тарихи үҙәгендә, Коммунистик урамында урынлашҡан. Һатыуға Беларусь Республикаһында етештерелгән 500-ҙән ашыу төрҙәге аҙыҡ-түлек: колбаса, сырҙар, һөт ризыҡтары, май, майонез, тәм-том, эсемлектәр һәм башҡа ашамлыҡтар ҡуйылған. Был – республикабыҙҙа белорус тауарҙары һатылған берҙән-бер магазин түгел. Беҙҙә Беларусь Республикаһынан килтерелгән кейем-һалым, косметика, көнкүреш техникаһы һәм башҡа тауарҙар менән сауҙа итеүсе магазиндар байтаҡ.

 Фото Башҡортостан Хөкүмәте сайтынан.