Төндә ҡырау төшөүе мөмкин

Аҙна башында республиканың ҡайһы бер райондарында төндә ҡырау төшөүе фаразлана, тип хәбәр итәләр Башҡортостан гидрометеорология үҙәгенән.

Синоптиктар мәғлүмәтенә ярашлы, бөгөн Башҡортостанда яуым-төшөмһөҙ булыуы көтөлә, көньяҡ-көнсығышта ҡыҫҡа ваҡытлы ямғыр яуыуы мөмкин. Ел төньяҡтан, төньяҡ-көнбайыштан талғын, урыны менән көсәйеүсән. Һауа температураһы көндөҙ +12, +17 градус.

Шишәмбе, 20 июндә, урыны менән ҡыҫҡа ваҡытлы ямғыр яуыуы ихтимал. Ел төньяҡтан, төньяҡ-көнбайыштан талғын, көндөҙ урыны менән көсәйеүсән. Һауа температураһы төндә +3, +8 градус, төньяҡ һәм таулы райондарҙа 0, -2 градус булыуы, ҡырау төшөүе көтөлә. Көндөҙ +12, +17 градус.

Шаршамбы, 21 июндә, һауа торошо әллә ни үҙгәрмәй. Урыны менән ҡыҫҡа ваҡытлы ямғыр яуасаҡ, ел төньяҡтан, төньяҡ-көнбайыштан талғын, көндөҙ урыны менән көсәйеүсән. Һауа температураһы төндә +3, +8 градус, төньяҡ һәм таулы райондарҙа 0, -2 градус булыуы, ҡырау төшөүе мөмкин. Көндөҙ +12, +17 градус.

Сығанаҡ: "Башинформ".