Өфө аэропортында ғибәҙәт ҡылыу бүлмәләре эшләй башланы

«Өфө» аэропортында ремонт эштәренән һуң ғибәҙәт ҡылыу бүлмәләре асылды. Баш ҡала аэропортының матбуғат хеҙмәтенән хәбәр итеүҙәренсә, 1-се терминалда (эске авиалиниялар) ремонт эштәренән һуң ислам һәм православие динен тотоусылар өсөн дини ғәмәлдәрҙе үтәү өсөн шарттар булдырылған.

Ғибәҙәт ҡылыу бүлмәләре терминалдың икенсе ҡатында, В секторы янында урынлашҡан, тәүлек әйләнәһенә эшләй.

Сығанаҡ: «Башинформ».