Алдағы көндәрҙә һауа торошо

Башҡортостан синоптиктары, алдағы өс көндә төндәрен һалҡынса була, тип билдәләй.

Башгидромет мәғлүмәттәре буйынса, бөгөн, 10 майҙа, һауа температураһы көндөҙ +12, +17градусҡа тиклем йылыта. 

11 майҙа төндә урыны менән бер аҙ ямғыр яуа, көндөҙ яуым-төшөмһөҙ була. Ел төньяҡтан, төньяҡ-көнсығыштан талғын, көньяҡта киҫкен. Һауа температураһы төндә +1, +6°, республиканың  көнсығышында 0, -3° һалҡынайтып, ҡырау төшөүе көтөлә, көндөҙ +14, +19°.

12 майҙа төндә урыны менән, көндөҙ республикала ҡыҫҡа ваҡытлы ямғыр яуыуы, көньяҡ райондарҙа көндөҙ йәшен йәшнәүе фаразлана. Ел төньяҡтан, төньяҡ-көнсығыштан талғын, урыны менән көсәйеүсән. Һауа температураһы төндә +3, +8°, көндөҙ +11, +16°, көньяҡта +6°.