Янғын 130-ҙан ашыу йортто юҡ иткән

Свердловск өлкәһенең Таежный һәм Сосьва ҡасабаларында 134  йорт, шулай уҡ 8 дача, хужалыҡ ҡаралтылары һәм магазин тулыһынса янып бөткән.

Ҡотҡарыусылар мәғлүмәттәре буйынса, янғында бер кешенең ғүмере өҙөлгән. 1200 йортто уттан аралап ҡалғандар. Бөтә янғындар ҙа һүндерелгән. Бының өсөн 380-нән ашыу кеше һәм 112 берәмек техника йәлеп ителгән.

Зыян күреүселәргә ярҙам итеү һәм эште координациялау өсөн өлкәгә Рәсәйҙең ғәҙәттән тыш хәлдәр министры урынбаҫары Илья Денисов етәкселегендәге оператив төркөм килгән.