Йәш ярымлыҡ бәпес һәләк булған

Дәүләкән районы Поляковка – Черниговка юлының 3-сө километрында булған аварияла сабый һәләк булған.

ВАЗ-21099 автомобиле менән 18 йәшлек водитель идара иткән. Ул юлдан осҡан, машина электр бағанаһына бәрелеп түңкәрелгән. Авария ваҡытында машина эсендә биш кеше булған. Уларҙың өсәүһе – балалар. Асыҡланыуынса, егет, водитель таныҡлығы булмай тороп, теркәлеү үтмәгән машинаға араҡы эскән көйө ултырған.

Күреүебеҙсә, юл йөрөү ҡағиҙәләренең бөтә талаптарын да тупаҫ боҙоу оло фажиғәгә алып килгән.

Юлдарҙа һаҡ булығыҙ, эскән килеш руль артына ултырмағыҙ!