Автобус водителдәре һәм кондукторҙары милли кейемдә эшкә сыҡты

Башҡортостандың Милли кейем көнөндә, «Башавтотранс» предприятиеһы акция үткәрә — бер нисә маршрутта водителдәр һәм кондукторҙар, ә автовокзалдарҙа кассирҙар республика халыҡтарының милли кейемендә эшкә килде.

Ойошманың матбуғат хеҙмәте хәбәр итеүенсә, пассажирҙар был башланғысты ыңғай баһалаған.

Акциянан фотолар һәм видеояҙмалар предприятиеның рәсми сайтына, «Бәйләнештә», «Класташтар» төркөмөнә, Телеграм-каналға урынлаштырылған.