Ураҙа ғәйете уңайынан байрам намаҙҙары Өфөнөң 24 мәсетендә уҡыла

21 апрелдә Рамаҙан айы тамамлана һәм был көндә мосолмандар Ураҙа байрамын билдәләй.

Өфө мэрияһынан хәбәр итеүҙәренсә, республиканың баш ҡалаһында байрам иртәнге сәғәт 8-ҙә башлана. 24 мәсеттә йәмәғәт менән байрам намаҙҙары уҡыла.

«Диндарҙар күп йыйылған урындарҙа полиция, именлекте тәьмин итеү үҙәге хеҙмәткәрҙәренең һәм медиктарҙың дежурлығы ойошторола», — тип хәбәр иттеләр ҡала хакимиәтенән.

Мэрияла белдереүҙәренсә, 21 апрелдә таңғы сәғәт 6-нан көндөҙгө 3-кә тиклем Туҡай урамында (Цюрупанан Зәйнулла Рәсүлевҡа тиклем) һәм Комаров урамында («Ләлә-Тюльпан» мәсете янында) хәрәкәт сикләнә.