“Таҙа һауа” федераль проекты ярҙамға килә

“ВДНХ-Экспо” күргәҙмәләр комплексында Экологик форум үҙ эшен бөгөн дә дауам итә.

Уны асыуҙа Башҡортостан Башлығы Радий Хәбиров һәм Рәсәйҙең тәбиғәт ресурстары һәм экология министрының беренсе урынбаҫары Константин Цыганов ҡатнашты. Сараға Рәсәй төбәктәре, шулай уҡ Беларусь, Ҡаҙағстан һәм Тажикстан вәкилдәре лә килгән.

Форум майҙансығында һауаға бысратыусы матдәләр ташлауҙы кәметеү буйынса берлектәге эшмәкәрлекте күҙ уңында тотоп, “Таҙа һауа” проекты сиктәренедә “Газпромнефтехим Салауат” һәм “Башҡортостан сода компанияһы”,  “Росприроднадзор”, Рәсәйҙең Тәбиғәт ресурстары һәм экология министрлығы менән Башҡортостан араһындағы мөһим килешеүҙәргә ҡул ҡуйылды.