Рөстәм Нәбиев Йәмәғәт палатаһының яңы составына инде

Владимир Путин президент квотаһы буйынса илдең Йәмәғәт палатаһының 40 ағзаһын раҫланы. 

Тейешле указ рәсми хоҡуҡи мәғлүмәт интернет-порталына ҡуйылған. Уға ярашлы, Башҡортостандың параспортсыһы Рөстәм Нәбиевты Йәмәғәт палатаһының яңы составына индерелгән. 

Рәсәй Федерацияһы Йәмәғәт палатаһы составының вәкәләт ваҡыты –  өс йыл, 168 ағза иҫәпләнә. Уларҙың 40-ы – президент квотаһы буйынса, 85-е – төбәктәрҙең йәмәғәт палаталарынан, 43-ө – Дөйөм Рәсәй йәмәғәт берекмәләренән билдәләнә.