Салауат Низаметдинов иҫтәлегенә фестиваль ойошторола

8 апрелдә Өфөлә һаулыҡ мөмкинлектәре сикле йырсылар араһында Салауат Низаметдинов иҫтәлегенә вокал сәнғәте фестивале ойошторола. 

Фестивалдә йыр ансамблдәре, бәләкәй коллективтар, солистар ҡатнаша. Улар Салауат Низаметдиновтың әҫәрҙәрен башҡарырға тейеш. Жюри составында Башҡортостандың билдәле мәҙәниәт эшмәкәрҙәре һәм сәнғәт оҫталары эшләй.

Салауат Низаметдинов — Башҡортостан Республикаһының сағыу профессиональ композиторҙарының береһ, Рәсәй Федерацияһының атҡаҙанған сәнғәт эшмәкәре, Ғ.Сәләм исемендәне премия лауреаты, Рәсәй Композиторҙар союзының  Д. Шостакович исемендәге премияһы, «Филантроп» халыҡ-ара премияһы лауреаты.