Яҙғы баҫыу эштәре башланды

Быйылғы баҫыу эштәрен тәүгеләрҙән булып республиканың төньяҡ-көнсығыш райондары игенселәре башланы.

Башҡортостан хөкүмәте премьер-министры урынбаҫары - ауыл хужалығы министры Илшат Фәзрахманов кисә Мәсетле районында уҙған зона агрономия конференцияһында, 2023 йылдың яҙында баҫыу эштәре уҙған йылдарҙағы кеүек республиканың көньяғынан түгел, ә төньяҡ-көнсығыштағы Ҡыйғы районынан башланды, тип белдерҙе. 30 мартҡа ҡарата был районда - 200 гектар ужым арышы, Баҡалы районында иһә 60 гектар ужым культуралары өҫтәмә туҡландырылған.