Өфөнән Көнсығышҡа сығыу юлы төҙөлөшө тураһында

Өфөнән Көнсығыш сығыу юлы 2023 йылдың аҙағында төҙөлөп бөтөүе ихтимал.

Башҡортостан Башлығы Радий Хәбировтың төбәктәр үҫеше буйынса хөкүмәт комиссияһы президиумы ултырышында билдәләүенсә, быны федераль бюджеттан тиҙерәк берлектә финанслау шарттарында тормошҡа ашырып булыр ине. 

«Беҙ ошо транспорт коридорын 2023 йылдың һуңында төҙөп бөтә алабыҙ. Бының өсөн финанслауҙың бер өлөшөн 2025 йылдан 2023 йылға күсереүҙе һорайбыҙ. Әгәр ошо мәсьәләне хәл итә алһаҡ, йыл аҙағында Көнсығыш сығыу юлын асырға әҙер булабыҙ», — тине республика етәксеһе үҙенең мәрәжәғәтендә.