Рәсәйҙең иң яҡшы уйынсыларының береһе

Башҡортостан шахматсыһы Урал Хәсәнов Рәсәй чемпионатында «бронза» яулаған.

Ул - Өфөнөң «Толпар» шахмат клубы тәрбиәләнеүсеһе.  Йәш шахматсы 71 мәрәй йыйып, илдең яңы чемпионы, Санкт-Петербургтан 24 йәшлек гроссмейстер Алексей Поповтан һәм икенсе урынды алған Мәскәү гроссмейстеры Данил Павловтан бер нисә балға ғына ҡалышҡан.

Урал Хәсәновҡа 16 йәш, әммә ул Рәсәйҙең иң яҡшы уйынсыларының береһе тип танылған. 2023 йылда спортсы Берләшкән Ғәрәп Әмирлектәрендә шахмат композицияһы буйынса донъя чемпионатында көмөш призёр булды.