Шаляпин эҙен юллап

Март аҙағында Өфөлә Федор Шаляпиндың ижадын өйрәнеүселәр була.

“Өфөлә Шаляпин музейы” проекты вәкилдәре хәбәр итеүенсә, баш ҡалабыҙға Төбәк-ара Шаляпин үҙәге ағзаһы, Мәскәү консерваторияһы профессоры Николай Кузнецов һәм «Шаляпин/О’Нил» спектакле режиссеры Әминә Жаман килә.

Визит сиктәрендә улар төрлө мәҙәни сараларҙа ҡатнаша. Әминә Жаман 23 мартта Башҡорт дәүләт опера һәм балет театры музейына XX быуаттың данлыҡлы бейеүсеһе Рудольф Нурыевтың сит илдә сыҡҡан афишаһын тапшыра. Церемония 17.00 сәғәттә ҡаралған.