Рәсәйҙең иң көслө кешеһе Эльбрус Ниғмәтуллин сәйәсәттә көсөн һынарға уйлай

Билдәле йәмәғәт эшмәкәре, күп тапҡырҙар «Рәсәйҙең иң көслө кешеһе» исеменә лайыҡ Эльбрус Ниғмәтуллин тәүгеләрҙән булып Башҡортостан Дәүләт Йыйылышы – Ҡоролтай депутаттарын һайлау буйынса «Берҙәм Рәсәй» партияһының алдан тауыш биреүендә ҡатнашыу өсөн ойоштороу комитетына тейешле документтарын тапшырҙы.

«Мин спорт карьерамды тамамланым һәм туплаған тәжрибәмде йәштәр менән уртаҡлашырға теләйем. Башҡортостан – миңә көс-дәрт биргән төбәк. Республикаға файҙа килтерә алырмын, тип ышанам. Бында рәхмәтле һәм изге күңелле кешеләр йәшәй. Башҡортостанда тормошто яҡшыраҡ итеү өсөн үҙ өлөшөмдө индерергә тейешмен, тип иҫәпләйем», – тип билдәләне Эльбрус Ниғмәтуллин.

Фото «Берҙәм Рәсәй» партияһы төбәк бүлексәһе сайтынан.