Һауа температураһы тотороҡһоҙ була

Башгидрометүҙәк мәғлүмәттәре буйынса, март уртаһында республикала яуым-төшөм ихтималлығы аҙ булыуы күҙаллана. Һауа температураһы 16 мартта көндөҙ +1,+6, таулы райондарҙа +11 градусҡа тиклем күтәреләсәк.

Бөгөн ел көнбайыштан, төньяҡ-көнбайыштан талғын, урыны менән көсәйеүсән. Һауа температураһы -3,+2 градус тәшкил итәсәк.

Шаршамбы, 15 мартта, урыны менән бер аҙ епшек ҡар яуыуы, төндә һәм иртән юлдарҙа боҙлауыҡ булыуы көтөлә. Ел көньяҡ-көнбайыштан, көньяҡтан талғын, төньяҡта көсәйеүсән. Термометр бағанаһы төндә -3,-8,аяҙытҡанда -10, -15, көндөҙ -1,+4 күрһәтәсәк.

Кесаҙна, 16 мартта, һиҙелерлек яуым-төшөм фаразланмай. Ел көньяҡ-көнбайыштан, көньяҡтан талғын, урыны менән көсәйеүсән. Һауа температураһы төндә -3, -8, урыны менән -13, көндөҙ +1,+6, таулы райондарҙа +11 градусҡаса.