Мираҫтар Ҡаҙанға концерт менән бара

Өфөнөң «Мираҫ» йыр һәм бейеү ансамбле 14 мартта Татарстандың баш ҡалаһында «Хазина» программаһы менән сығыш яһай.

Концерт программаһында «Сатыр эргәһендә», «Йыуаса», «Салауатҡа дан!» башҡорт йыр-бейеү композициялары, «Оҫта ҡуллы ҡыҙҙар», «Солтанаҡов», «Берҙәм ғаиләлә» бейеүҙәре, «Өлгөр» дәртле татар вокаль-хореография композицияһы, «Силифке» төрөк бейеүе, «Хава нагила» йәһүд композицияһы, ҡурай һәм ҡыл-ҡумыҙ моңдары, шулай уҡ башҡа донъя халыҡтары йырҙары һәм бейеүҙәре бар.