Өфөлә ата-әсәләр берҙәм дәүләт имтиханы тапшыра

18 мартта Өфө ҡалаһының 38-се һәм 97-се мәктәптәрендә «Бергә тапшырабыҙ! Ата-әсәләрҙең БДИ тапшырыу көнө» тигән Бөтөн Рәсәй акцияһы ойошторола.

Ул берҙәм дәүләт имтиханы тирәләй имеш-мимештәрҙе юҡҡа сығарыуға йүнәлтелгән. Акция имтихан үткәреү пунктында барған хәлгә, ҡатнашыусыларҙың хоҡуҡтарына бәйле бик күп һорауҙарға асыҡлыҡ индерә.

Берҙәм дәүләт имтиханын уҙғарыуҙың күнекмә пункттарында булдырылған шарттар ысынбарлыҡҡа яҡын. Ата-әсәләр бөтә имтихан процедураһын (теркәлеүҙән башлап һөҙөмтәләрҙе алғанға тиклем) үтә аласаҡ.

Сығанаҡ: "Башинформ".