Сәсеү стратегияһы билдәләнде

Яҙ – игенселәр өсөн көтөп алынған һәм үтә яуаплы мәл. Сөнки борондан, яҙҙың бер көнө йылды туйҙырыр, тиҙәр

Кисә Ауырғазы районында 17 район белгестәре ҡатнашлығында зональ агроконференция үтте. Унда быйылғы сәсеү кампанияһының стратегияһы тикшерелде. Башҡортостан Республикаһы вице-премьеры — ауыл хужалығы министры Илшат Фәзрахманов, сәсеү эштәрен — биш, ә уңыш йыйыуҙы ун көндә тамамлау яҡшы, әммә бының өсөн күберәк техника кәрәк, тип билдәләне. Былтыр яҙғы эштәрҙе оптиаль сроктарҙа тамамлау рекордлы уңыш үҫтереп алырға булышлыҡ итте. Быйыл да ошо сценарий буйынса эшләйбеҙ, тине ул.

2023 йылда 2,88 миллион гектар ерҙә төрлө культуралар сәсеү планлаштырыла. Ошо майҙандың 15 процентын элиталы орлоҡ биләйәсәк.