Музейҙа – яңы етәксе

Республиканың Милли әҙәбиәт музейына яңы етәксе тәғәйенләнде.

Ул - Миләүшә Хәбилова (Ҡаһарманова). Музей директоре вазифаһын башҡарыусы менән кисә үткән Халыҡ-ара туған телдәр көнөнә арналған әҙәби осрашыуҙа Башҡортостан мәҙәниәт министрының беренсе урынбаҫары Алмас Сәйетов таныштырҙы.

Миләүшә Ҡаһарманова – билдәле яҙыусы. Яңы вазифаға тәғәйенләнгәнгә тиклем ул «Һәнәк» журналының баш мөхәррире булып эшләне. Бөрйән районында тыуып үҫкән, Башҡорт дәүләт университетын тамамлаған. Ике шиғри йыйынтыҡ һәм ике проза китабы авторы.