Яҡташыбыҙ тау саңғыһы буйынса Бөтә Рәсәй спорт ярышында өсөнсө урын яуланы

Башҡортостан спортсыһы тау саңғыһы спорты буйынса Бөтөн Рәсәй ярыштарында бронза призер булды. Белореттың «Морат» тау саңғыһы комплексында 12-15 йәшлек егеттәр һәм ҡыҙҙар араһында Л.В. Кедрина иҫтәлегенә турнир бара.

Кисә «слалом-гигант» дисциплинаһында тәүге миҙалдар уйнатылды. Арауыҡты үтеү йомғаҡтары буйынса Мәскәү спортсыһы Артемий Липов беренселекте бирмәне, икенсе урынды илебеҙҙең баш ҡалаһынан Фёдор Лебедев алды, өсөнсөлә — Башҡортостандан Илья Шадрин.

Иң көслө ун спортсы иҫәбендә Башҡортостан вәкилдәре лә бар — Егор Сорокин (5-се урын) һәм Михаил Труфанов (8-се урын).

https://www.bashinform.ru/news/sport/2023-02-02/yunior-iz-bashkirii-stal-prizerom-vserossiyskih-sorevnovaniy-po-gornolyzhnomu-sportu-3127536