Февралдә һауа торошо ниндәй булыр?

Рәсәй Гидрометеоүҙәге хәбәр итеүенсә, февралдә Башҡортостанда уртаса айлыҡ һауа температураһының нормаға ярашлы (-11,7 градус) булыуы көтөлә. Айлыҡ яуым-төшөмдөң дә нормаға ярашлы булыуы күҙаллана (20-40 миллиметр).

Бөгөн, 2 февралдә, урыны менән бер аҙ ҡар яуыуы көтөлә. Ел көнсығыштан, көньяҡ-көнсығыштан талғын. Һауа температураһы -6, -11, урыны менән -1 градус.

Йома, 3 февралдә, яуым-төшөмһөҙ. Ел көньяҡ-көнсығыштан талғын. Төндә -10, -15, аяҙытҡанда -18, -23, көндөҙ -3, -8, урыны менән -13-кә тиклем һалҡын була.

Шәмбе, 4 февралдә, урыны менән бер аҙ ҡар, боҙлауыҡ фаразлана. Ел көньяҡ-көнсығыштан талғын. Һауа температураһы төндә -8, -13, аяҙытҡанда -16, -21, көндөҙ -1, -6, көньяҡ-көнсығышта -11 градусҡа тиклем.

Сығанаҡ: “Башинформ”.