Февраль аҙағында оҙайлы ялдар көтөлә

Февралдә беҙҙе Ватанды һаҡлаусылар көнө уңайынан оҙайлы ялдар көтә.

Ватанды һаҡлаусылар көнө, 23 февраль, кесаҙнаға тап килә. 1 ғинуарҙағы ял көнө 24 февралгә (йомаға) күсерелгән, был аҙнаһына биш көн эшләгән граждандарға 23 февралдән 26-һына тиклем ял итергә мөмкинлек бирә, тип хәбәр итә Роструд белгестәре.

22 февралдә эш көнө, байрам алды көнө булғанлыҡтан, бер сәғәткә ҡыҫҡара.  Алты көнлөк эш аҙнаһында шәмбе, 25 февраль, эш көнө булып тора, тип белдерәләр ведомствола.