Архангел - Белорет автомобиль юлында мобиль бәйләнеш булдырыла

Башҡортостан хөкүмәте премьер-министры Андрей Назаров белдереүенсә, Архангел - Белорет автомобиль юлы участкаһы үтә хәүефле һанала һәм унда сифатлы мобиль элемтә һәм интернет булырға тейеш.

Яҡынса иҫәпләүҙәр буйынса, трассаның 160 саҡрымдан ашыу участкаһында бәйләнеш булдырыу өсөн 14 яңы база станцияһы ҡуйырға кәрәк, икәүһенең бейеклеге 70 метр булырға тейеш. Бының өсөн 52 саҡрымдан ашыу оптика һәм 54 саҡрым электр тапшырыу линияларын төҙөү талап ителә. Был яҡындағы алты ауылды ла элемтә менән тәьмин итергә мөмкинлек бирер тип көтөлә.