Өфөлә биатлон буйынса Рәсәй беренселеге үтә

3-10 февралдә Өфөлә юниорҙар араһында биатлон буйынса Рәсәй беренселеге һәм Бөтә Рәсәй ярыштары уҙғарыла.

Иң көслө биатлонсылар исемен яулау өсөн илдең 28 төбәгенән 19-21 йәшлек 185 спортсының килеүе көтөлә.

Улар суперспринт, ҡатнаш эстафета һәм масстарт буйынса көс һынашасаҡ. Ярыштар олимпия резервы мәктәбенең спорт комплексында ойошторола.