Башҡортостанда уртаса пенсия күләме

2022 йылдың ноябрендә Башҡортостанда пенсионерҙарҙың дөйөм һаны 1,152 миллион тирәһе кеше тәшкил иткән.

Уларҙың 176,7 меңе эшләп йөрөгән. Был хаҡта республика статистиктары хәбәр итте.

Сағыштырыу өсөн: 2022 йылдың ғинуарында республикала 1,149 миллиондан ашыу пенсионер иҫәпләнгән, уларҙың 186,5 мең самаһы эшләгән.

2022 йылдың ноябрь башына Башҡортостанда тәғәйенләнгән уртаса пенсия 18 043 һумға еткән.

2023 йылдың 1 ғинуарынан Рәсәйҙә эшләмәгәндәр өсөн пенсия 4,8 процентҡа арттырылды.