Бер тәүлеккә ковид 65 яҡташыбыҙҙа раҫланған

Башҡортостан Һаулыҡ һаҡлау министрлығы мәғлүмәттәре буйынса, республикабыҙҙа тәүлек эсендә коронавирус 65 ауырыуҙа асыҡланған. Вирус йоҡтороу осраҡтары көн һайын кәмей бара.

Пандемия башланғандан алып ковид менән сирләүселәр 347,4 меңдән артып киткән, тип билдәләйҙәр министрлыҡта. Вирусты еңеүгә өлгәшеүселәр – 340,2 меңгә яҡын.

Бөгөнгө көндә стационарҙарҙа 144 сырхау коронавирусҡа ҡаршы дауа ала, 101-е – өлкән йәштәгеләр. Өйҙә дауаланыусылар 1,1 мең иҫәпләнә, 331-е – 60-ты үткән өләсәй һәм олатайҙар.