Туғыҙ ил менән тура авиабәйләнеш булдырылған

«Өфө» халыҡ-ара аэропортынан тура рейстар менән туғыҙ илгә осорға мөмкин.

Был илдәр исемлеге: Төркиә, Таиланд, Берләшкән Ғәрәп Әмирлектәре, Азербайжан, Әрмәнстан, Ҡаҙағстан, Ҡырғыҙстан, Тажикстан һәм Үзбәкстан. 

Башҡортостандың Роспотребнадзор идаралығында белдереүҙәренсә, осош алдынан шул илдәге эпидемиологик хәл менән ҡыҙыҡһынырға кәрәк. Турфирма аша билет һатып алғанда клиенттарға ошо мәғлүмәтте еткерергә тейештәр.