Һауа температураһы ноль градусҡаса күтәрелә

Башҡортостанда алдағы көндәрҙә йылы була, тип хәбәр итә синоптиктар.

Башгидромет мәғлүмәттәренә ярашлы, бөгөн, 20 ғинуарҙа, Башҡортостанда яуым-төшөмһөҙ була. Ел йүнәлешен үҙгәртеүсән, талғын. Һауа температураһы төндә -14, -19 градус, урыны менән -21, -26. Көндөҙ -7, -12 градус, таулы райондарҙа -2.

Шәмбе, 21 ғинуарҙа, яуым-төшөм көтөлмәй. Ел йүнәлешен үҙгәртеүсән, талғын. Һауа температураһы төндә -11, -16 градус, урыны менән -19, -24. Көндөҙ -5, -10 градус, таулы райондарҙа 0 градусҡа тиклем.