Һуңғы айҙа ковид йоҡтороу осраҡтары 47 процентҡа артҡан

Башҡортостанда һуңғы 30 көндә коронавирус инфекцияһы менән ауырыу осраҡтары 47 процентҡа артҡан, ләкин һуңғы аҙнала сир кәмеүгә табан бара. Был хаҡта һаулыҡ һаҡлау министры Айрат Рәхмәтуллин Хөкүмәттең оператив кәңәшмәһендә хәбәр итте.

Республикала үткән тәүлектә ковид 124 яҡташыбыҙҙа асыҡланған. 258 пациент инфекциянан һауыҡҡан. Әле 149 сырхау стационарҙа, 1 456-һы өй шарттарында дауалана. Инфекция госпиталдәрендә коронавирустан дауалау өсөн 430 койка әҙерләнгән, буш койка фонды – 35 процент.

Әлеге ваҡытта Башҡортостанда коронавирус инфекцияһының таралыу коэффициенты – 0,70, Рәсәйҙә иһә 0,93 тәшкил итә.

Сығанаҡ: “Башинформ”.