Ҡыш бабай өлкәндәргә ярҙам итә

Әлшәй районында социаль хеҙмәткәрҙәр оло йәштәге яңғыҙ йәшәүсе яҡташтарын Яңы йыл менән бына ошолай бик күңелле итеп тәбрикләгән: йорт эштәрендә булышҡан, ҡар көрәгән, һыу ташыған, утын өйгән һәм байрам кәйефе бүләк иткән. Был турала район хакимиәте башлығы Дамир Мостафин үҙенең социаль селтәрҙәге сәхифәһендә яҙып сыҡты. Яғымлы һүҙҙәрҙән, ихлас ярҙамдан күңелдәре күтәрелгән өләсәйҙәр рәхмәттәр уҡып ҡалған.

Байрам алдынан сауаплы эштәр ҡылған Әлшәй Ҡыш Бабайына һәм Ҡарһылыуына – афарин!  

Фотолар Дамир Мостафиндың Контакттағы сәхифәһенән.