Булат Рафиҡов исемендәге премияға лайыҡ булдылар

Быйыл ул премия “Мәләүез таңдары” әҙәби берекмәһенең әүҙем ағзалары Рәсимә Дәүләтбаева-Ғайсина менән Хәлиҙә Шәйәхмәтоваға тапшырылды. Лауреаттар тыуған яҡ, рух ҡөҙрәте, туған телгә, тәбиғәткә, тормошҡа һөйөү, саф хистәр менән һуғарылған шиғырҙары менән рухыбыҙҙы, әҙәби мираҫыбыҙҙы байытты, ти мәләүездәр. Рәсимә Шәһиҙулла ҡыҙының ижады кеше яҙмышы хаҡындағы уйланыуҙар, тәрән тормош фәлсәфәһе менән һоҡландырһа, Хәлиҙә Шәңгәрәй ҡыҙының яҙмалары нескә юмористикаға ҡоролған. Лауреаттарҙы ысын күңелдән ҡотлайбыҙ, яңы ижады бейеклектәр теләйбеҙ! 

Фото: "Көнгәк" гәзитенән.