Башҡортостандан йәш модель халыҡ-ара балалар конкурсында уңыш яуланы

Өфөнән йәш модель Екатерина Дульдий Таиландта уҙған Kids Stars International-2022 халыҡ-ара балалар конкурсында тәүге бишәү иҫәбенә ингән. Конкурс йомғаҡтары буйынса ул дүртенсе вице-мисс, шулай уҡ «Тамашасылар һөйөүе гүзәле» исемен яулаған.

«Конкурста ни бары 5 таж бар ине һәм шуларҙың береһе – беҙҙеке. Мин ошо кескәй ҡыҙ һәм уның һоҡланғыс ата-әсәһе менән ныҡ ғорурланам. Катя минең күҙ алдымда үҫә. Тәүге тапҡыр ул беҙҙең конкурста 2018 йылда ҡатнашты. Ул конкурстың һөҙөмтәләренә бик тыныс ҡарай. Был иһә ата-әсәнең дөрөҫ тәрбиәһе, улар конкурс үҙ һәләтеңде күрһәтеү урыны ғына икәнен балаға аңлата алған. Ниндәй һөҙөмтәгә өлгәшһә лә, улар уны ярата һәм ғорурлана», – ти балалар модель агентлығы етәксеһе Луиза Закирйәнова.

Сығанаҡ: «Башинформ».