Декабрҙең икенсе декадаһында һауа торошо нормаға яҡын була

Уҙған ял көндәрендә, ниһайәт, республикала йылытты. 13-15 декабрҙә уртаса һауа температураһы – нормаға яҡын, республиканың көнбайышында иһә норманан 1-2 градусҡа юғарыраҡ була.

Һауа температураһы төндә -10, -17°, көндөҙ -5, -10°.

Республиканың көнсығышында һалҡыныраҡ була: төндә -20, -25°, көндөҙ -15°.

Әллә ни яуым-төшөм көтөлмәй. Урыны менән бер аҙ ҡар яуыуы ихтимал.

20 декабргә тиклем республикала уртаса һауа температураһының норманан 1-2° юғарыраҡ булыуы көтөлә.

Сығанаҡ: “Башинформ”.