Мобилизацияланған яҡташтарыбыҙҙың ғаиләләренә 20-шәр мең һум был аҙнала түләнә башлай

Мобилизацияланған яҡташтарыбыҙҙың ғаиләләренә Яңы йылға 20-шәр мең һум аҡса ошо аҙнала уҡ түләнә башлай. Был хаҡта Хөкүмәттең оператив кәңәшмәһендә республиканың ғаилә, хеҙмәт һәм халыҡты социаль яҡлау министры Ленара Иванова хәбәр итте.

“Тәүге түләүҙәр был аҙнала башлана”, – тине ул.

Уның һүҙҙәренсә, 11 декабрҙең кисенә аҡса юллау хаҡында 4 141 ғариза килгән. Хәтерегеҙгә төшөрәбеҙ, 5 декабрҙә Радий Хәбиров мобилизацияланғандарҙың ғаиләләренә бер тапҡыр бирелә торған матди ярҙам тураһындағы указға ҡул ҡуйғайны.

Сығанаҡ: “Башинформ”.