Рәсәйҙең көньяғына осоштарҙы ваҡытлыса сикләү режимы йәнә оҙайтылды

Рәсәйҙең 11 аэропортында осоштарҙы ваҡытлыса сикләү режимы 9 декабргә тиклем оҙайтылды, тип хәбәр ителә Федераль һауа транспорты агентлығы сайтында.

Һүҙ Анапа, Белгород, Брянск, Воронеж, Геленджик, Краснодар, Курск, Липецк, Дондағы Ростов, Симферополь һәм Элиста тураһында бара.

“Авиакомпанияларға Сочи, Волгоград, Минераль Һыуҙар, Ставрополь һәм Мәскәү аэропорттары аша альтернатив маршруттар тәҡдим ителә. Рәсәйҙең башҡа аэропорттары ғәҙәти график буйынса эшләй”, – тип белдерҙеләр Федераль һауа транспорты агентлығында.

Сығанаҡ: “Башинформ”.