Күршеләр араһында бәйләнеш нығый

Кисә Ырымбурҙа Башҡортостан Башлығы Радий Хәбиров Ырымбур өлкәһе губернаторы Денис Паслер менән осрашты.

Һөйләшеү төбәк-ара хеҙмәттәшлекте нығытыу, шул иҫәптән транспорт һәм юл инфраструктураһын үҫтереү мәсьәләләре хаҡында барҙы.

– Өфө менән Ырымбур араһында тимер юл бәйләнеше яҡшы темптар менән үҫешә. Пассажирҙарға “Орлан” заманса һәм уңайлы поезы бик оҡшай. Был шул иҫәптән эшҡыуарлыҡты һәм туризмды үҫтереүгә булышлыҡ итә, – тине Радий Хәбиров.

Ырымбур өлкәһе губернаторы Денис Паслер иҡтисадтың һәм социаль өлкәнең төрлө тармаҡтарында Башҡортостан менән хеҙмәттәшлекте үҫтереүҙең яҡшы потенциалын билдәләне.