Йөрәк табиптарын ололап

Башҡортостанда Бөтә Рәсәй “Табип ҙур хәрефтән” премияһы лауреаттарын атап үттеләр. Быйыл кешеләр ғүмерен һаҡлауға индергән ҙур өлөштәре өсөн был премияға кардиологтар һәм кардиохирургтар лайыҡ булды.

Йөрәк ишемияһы сиренең киҫкен формаларына тарыған ауырыуҙарҙы ҡотҡарған өсөн республикабыҙҙа “Табип ҙур хәрефтән” премияһы лауреаттары булып түбәндәгеләр билдәләнде:

Гөлнара Ардыуанова, төбәк ҡан тамырҙары үҙәге етәксеһе, Күмертау ҡалаһы дауаханаһының кардиология бүлеге мөдире;

Азат Баһауытдинов, Өфө ҡалаһы 18-се дауаханаһының табип-кардиологы, кардиология бүлеге мөдире;

Рөстәм Вәлиев, Нефтекама ҡалаһы дауаханаһының табип-кардиологы, кардиология бүлеге мөдире;

Айгөл Ирғәлина, табип-кардиолог;

Валентина Килмәмәтова, республика кардиология үҙәгенең табип-кардиологы;

Константин Петрушкин, Өфө ҡалаһы тиҙ медицина ярҙамы дауаханаһының кисектергеһеҙ кардиология бүлеге табип-кардиологы;

Лена Сибәғәтуллина, Ҡыуатов исемендәге республика клиник дауаханаһының кардиология бүлеге табип-кардиологы;

Ләйсән Сәхибгәрәева, Өфө ҡалаһы 21-се клиник дауаханаһының кардиология бүлеге табибы.

“Табип ҙур хәрефтән” премияһы өсөнсө йыл рәттән тапшырыла. Йыл һайын уны төрлө белгеслектәге табиптар ала. 2022 йылда был премия Рәсәйҙең 13 төбәгендәге 118 кардиологҡа һәм кардиохирургҡа биреләсәк.

Фото БР Һаулыҡ һаҡлау министрлығы сайтынан.