Ит йәрминкәләренә килегеҙ

26 ноябрҙән Өфөлә ит йәрминкәләре башлана, тип хәбәр итәләр мэрияның матбуғат хеҙмәтенән.

26 һәм 27 ноябрҙә өфөләр республика етештереүселәренән яңы һуйылған ит, йәшелсә һәм аҙыҡ-түлек һатып алырға мөмкин.

«Шәмбе Хәҡиҡәт урамы буйлап Таллин урамынан Ухтомский урамына тиклемге автомобиль юлы участкаһында, Интернациональ һәм Машина эшләүселәр урамдары киҫелешендә, Эшсе хәбәрселәр урамындағы 3-сө, 5-се, 7-се һәм 20-се йорттар ҡаршыһында, «Тулҡын» паркы янында, Спорт һарайы һәм Йәштәр һарайы алдындағы майҙандарҙа, шулай уҡ Серго Орджоникидзе исемендәге майҙанда йәрминкәләр ойошторола», – тип белдерәләр муниципалитетта.

Йәкшәмбе иһә Хәҡиҡәт урамындағы, Интернациональ-Машина эшләүселәр урамдары киҫелешендәге һәм «Тулҡын» паркы янындағы майҙансыҡтарҙа ит йәрминкәләре булмай.

Йәрминкәләр иртәнге сәғәт 9-ҙан көндөҙгө 4-кә тиклем эшләй.

Сығанаҡ: “Башинформ”.