Путин бала тыуыу һәм уны ҡарау буйынса берҙәм пособие тураһында законға ҡул ҡуйҙы

Рәсәй Президенты Владимир Путин бала тыуыуға һәм уны ҡарауға бәйле берҙәм пособие тураһында законға ҡул ҡуйҙы. Документ дүшәмбе, 21 ноябрҙә, рәсми хоҡуҡи мәғлүмәт интернет-порталында баҫылған.

Ошо законға ярашлы, 2023 йылдың 1 ғинуарынан балаға 17 йәш тулғансы универсаль пособие, шулай уҡ йөклө ҡатын-ҡыҙҙарға пособие индерелә.

Пособие тәғәйенләгәндә ғаиләнең мөлкәт менән тәьмин ителеше һәм ата-әсәнең мәшғүллеге иҫәпкә алына.

Сығанаҡ: “Башинформ”.