Республика полицияһы 16 йәшлек үҫмерҙе эҙләй

Башҡортостан полицияһы 16 йәшлек Марсель Ғәлиәкбәровты эҙләй. Республика буйынса Эске эштәр министрлығының матбуғат хеҙмәте хәбәр итеүенсә, 24 октябрҙә ул Туймазы районында урынлашҡан ябыҡ типтағы Серафимовка махсус мәктәбе биләмәһенән сығып киткән. Ул Өфөлә пропискала тора. Әле уның ҡайҙа икәнлеге билдәһеҙ. Ҡайһы бер мәғлүмәттәр буйынса, үҫмер махсус учреждениенан беренсе тапҡыр ғына ҡасып китмәй.

Билдәләре: буйы — 175 сантиметр, уртаса кәүҙәле. Капюшонлы ҡара олимпийка, ҡара спорт салбары һәм ҡара туфли кейгән.

«Әгәр үҫмерҙең ҡайҙалығын белһәгеҙ, 7 (347-82) 7-20-97, 7(34782)5-21-02 телефондарына шылтыратып әйтеүегеҙҙе һорайбыҙ», — тип мөрәжәғәт иттеләр халыҡҡа Башҡортостан Республикаһы буйынса Эске эштәр министрлығының матбуғат хеҙмәтендә.

https://www.bashinform.ru/news/law/2022-11-21/politsiya-bashkirii-razyskivaet-sbezhavshego-iz-spetsshkoly-16-letnego-vospitannika-3038752