Боҙҙа һаҡ булығыҙ

Фажиғәле был хәл Федоровка районында теркәлгән. 

8 йәшлек малай боҙ аҫтына китеп һәләк булған

Яҡынса мәғлүмәттәр буйынса малай бер туған апаһы менән ярҙан 15 метр алыҫлыҡта уйнаған. Ошо мәлдә ул йоҡа боҙ аҫтына төшөп китә. Апаһы бәләгә тарыған туғанын ҡотҡарырға тырышып ҡарай, тик ҡулынан килмәй. Йүгереп ҡайтып, ата-әсәһенә хәбәр итә. Ҡыҙғанысҡа ҡаршы, улар ҙа баланы ҡотҡарып өлгөрмәй.

Ғәҙәттән тыш хәлдәр буйынса дәүләт комитеты ҡотҡарыусылары малайҙың кәүҙәһен ике метр тәрәнлектән таба.