Тайғаҡ юлда һаҡ булығыҙ

Йылайыр районында Магнитогорск-Ира автомобиль юлының 238-се саҡрымында "Renault Logan Stepway" автомобиле менән идара иткәндә Хәйбулла районында йәшәгән 52 йәшлек ир уң яҡ кюветҡа сығып осҡан.

Авария һөҙөмтәһендә 63 йәшлек пассажир ҡатын ашығыс медицина ярҙамы машинаһында йән биргән. Тағы бер 16 йәшлек ҡыҙ төрлө йәрәхәттәр менән дауахнаға оҙатылған.

Юл-транспорт ваҡиғаһы факты буйынса тикшереү башланған, тип хәбәр иттеләр Башҡортостан Республикаһы буйынса ЮХХДИ-ның матбуғат хеҙмәтенән.