Ҡыҫҡа эш аҙнаһы башланды

“Йома, 4 ноябрҙә, илебеҙҙә Халыҡтар берҙәмлеге көнө билдәләнеү сәбәпле, беҙҙе өҫтәмә ял көнө көтә”, – тип аңлатып үттеләр Башҡортостан Дәүләт хеҙмәт инпекцияһында.

Хәтерегеҙгә төшөрөп китәбеҙ: Рәсәй Хеҙмәт кодексына ярашлы, 4 ноябрь эш көнө булмаған байрам көнө булып тора. Кесаҙна, 3 ноябрҙә, эш көнө бер сәғәткә ҡыҫҡара.

Халыҡтар берҙәмлеге көнө – Рәсәйҙә 2005 йылдан башлап йыл һайын 4 ноябрҙә уҙғарылыусы дәүләт байрамы. Был байрам Ватаныбыҙ тарихындағы данлы ваҡиға – 1612 йылда Кузьма Минин һәм Дмитрий Пожарский етәкселегендә халыҡ ополчениеһының Мәскәүҙе сит ил баҫҡынсыларынан азат итеүе хөрмәтенә булдырылған.

Фото “Башинформ”дан алынды.