Исеме мәңгеләштерелде

Үткән йомала Башҡорт дәүләт университетының Сибай институтына нигеҙ һалыусыларҙың береһе, иҡтисад фәндәре докторы Зиннур Ғөбәйҙулла улы Йәрмөхәмәтов иҫтәлегенә таҡтаташ асылды.

Халҡыбыҙҙың арҙаҡлы улы 1990 - 1999 йылдарҙа  Сибай ҡалаһын етәкләй. Уның артабанғы тормошо  БДУ‑ның Сибай институты менән бәйле була. Зиннур Ғөбәйҙулла улы эшләгән дәүерҙә юғары уҡыу йорто яңы үрҙәргә күтәрелә.

Ғүмере 2022 йылдың 20 июнендә ҡапыл өҙөлә. Мәскәү ҡалаһында ерләнгән.

Зиннур Ғөбәйҙулла улы иҫтәлегенә таҡтаташ асыу, уға арналған хәтер һәм ҡәҙер кисәһендә Дәүләт Думаһы депутаты Зариф Байғусҡаров, Башҡортостандың халыҡ яҙыусыһы Таңсулпан Ғарипова, Хәйбулла районы хакимиәте башлығы Рөстәм Шәрипов, шәхестең ҡыҙы Гүзәл Йәрмөхәмәтова ҡатнашты.