Сәриә апайҙың изгелеге

Бөтә донъя башҡорттары ҡоролтайы делегацияһы гуманитар йөк менән Симферополь һәм Севастополь ҡалаларындағы госпиталдәр барып, Башҡортостанда тыуып үҫкән яҡташтарыбыҙ менән осрашты. Улар хәбәр итеүенсә, Ҡырымда бик әүҙем яҡташтарыбыҙ йәшәй икән. Ҡыйғы ҡыҙы Әлиә Әхмәтова, Өфөнән Алина Марьина, Миңнура Андреенко, Стәрлетамаҡтан Гүзәлиә Эрглис госпиталдәргә эләккән яугирҙар менән бәйләнеш булдырған һәм уларға даими ярҙам итеп тора. Сығышы менән Йылайыр районы Һынташ ауылынан булған Сәриә Ғәтиәтуллина Севастополь ҡалаһында йәшәй. Хаҡлы ялдағы ханымға һаулығы буйынса климат алмаштырырға кәрәк тигәс, диңгеҙ буйына күсенгән. Яңы ерҙә бәләкәй генә ҡунаҡхана ла асып ебәргәндәр. Изге күңелле Сәриә апай илдә барған хәл-ваҡиғаларға битараф ҡала алмаған һәм госпиталдә ятҡан яугирҙарға ярҙам кәрәк тип ишеткәс, таныштары, дуҫтары, яҡташтары булған чаттарға был хаҡта хәбәр ебәргән. Ил төкөрһә күл була, тигәндәй, тиҙ арала 40 мең һумдан ашыу аҡса йыйылған, магазинға барып, кәрәкле әйберҙәр алып тапшырғандар.

Добавить в предпочтительные источники Google

“Егеттәрҙең өй йылыһын тойғоһо, тәмле йорт күстәнәстәрен дә ашағыһы килә - быныһын да мотлаҡ эшләйәсәкбеҙ. Был эш һис кенә лә батырлыҡ түгел, ә күңел талабы. Ил иңенә ятҡан һынау осоронда бер кем дә битараф булмаҫҡа тейеш”, - ти Сәриә апай. Шуға ла ул телефон номерҙарын да ҡалдырған: кемдәр ярҙам итә ала, йәки яҡындары тураһында мәғлүмәт эҙләй – мөрәжәғәт итһендәр: 8 978 236 70 60 – Ҡырымдағы номер,
8 937 301 02 00 – Башҡортостан номеры, уға WhatsApp, Viber мессенджерҙары бәйле.(мәғлүмәт һәм фото“Ҡоролтай” төркөмөнән)

Автор:

Читайте нас

вк

дзен

ок

Партнеры